Mhubiri
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Mhubiri Mlango 10 Ecclesiastes

Mhubiri 10:1 Ecclesiastes 10:1

Mainzi mafu huvundisha marhamu ya mwuza marashi; Kadhalika upumbavu haba ni mzito kuliko hekima na heshima.

Mhubiri 10:2 Ecclesiastes 10:2

Moyo wake mwenye hekima upo upande wa kuume; Bali moyo wake mpumbavu upo mkono wa kushoto.

Mhubiri 10:3 Ecclesiastes 10:3

Naam, huyo mpumbavu tena, aendapo njiani, hupungukiwa na fahamu zake; hata humwambia kila mtu ya kuwa yeye ni mpumbavu.

Mhubiri 10:4 Ecclesiastes 10:4

Roho yake mtawala ikiinuka kinyume chako, Usiondoke mara mahali pako ulipo; Kwa maana roho ya upole hutuliza machukizo yaliyo makubwa.

Mhubiri 10:5 Ecclesiastes 10:5

Liko baa nililoliona chini ya jua, nalo ni kama kosa litokalo kwake yeye atawalaye;

Mhubiri 10:6 Ecclesiastes 10:6

ya kuwa upumbavu huwekwa mahali pa juu sana, nao wakwasi hukaa mahali pa chini.

Mhubiri 10:7 Ecclesiastes 10:7

Mimi nimeona watumwa wamepanda farasi, na wakuu wakienda kwa miguu juu ya nchi kama watumwa.

Mhubiri 10:8 Ecclesiastes 10:8

Mwenye kuchimba shimo atatumbukia ndani yake; Na yeye abomoaye boma, nyoka atamwuma.

Mhubiri 10:9 Ecclesiastes 10:9

Mwenye kuchonga mawe ataumizwa kwayo; Naye apasuaye miti huona hatari katika hiyo.

Mhubiri 10:10 Ecclesiastes 10:10

Iwapo chuma hakipati, wala mtu hakinoi; Ndipo hana budi kutumia nguvu zaidi. Walakini yafaa kutumia hekima, na kufanikiwa.

Mhubiri 10:11 Ecclesiastes 10:11

Nyoka akiuma asijatumbuizwa, Basi hakuna faida ya mtumbuizi.

Mhubiri 10:12 Ecclesiastes 10:12

Maneno ya kinywa chake mwenye hekima yana neema; Bali midomo ya mpumbavu itammeza nafsi yake.

Mhubiri 10:13 Ecclesiastes 10:13

Mwanzo wa maneno ya kinywa chake ni upuuzi; na mwisho wa usemi wake ni wazimu wenye hatari.

Mhubiri 10:14 Ecclesiastes 10:14

Tena, upumbavu huongeza maneno; lakini mwanadamu hajui yatakayokuwako; nayo yatakayokuwa baada yake, ni nani awezaye kumweleza?

Mhubiri 10:15 Ecclesiastes 10:15

Kazi yao wapumbavu huwachosha kila mmoja, Maana hajui hata njia ya kuuendea mji.

Mhubiri 10:16 Ecclesiastes 10:16

Ole wako, nchi, akiwa mfalme wako ni kijana, Na wakuu wako hula asubuhi!

Mhubiri 10:17 Ecclesiastes 10:17

Heri kwako, nchi, mfalme wako akiwa mtoto wa watu, Na wakuu wako hula wakati ufaao, Ili makusudi wapate nguvu, wala si kwa ajili ya ulevi.

Mhubiri 10:18 Ecclesiastes 10:18

Kwa sababu ya uvivu paa hunepa; Na kwa utepetevu wa mikono nyumba huvuja.

Mhubiri 10:19 Ecclesiastes 10:19

Karamu hufanywa kwa ajili ya kicheko, Na divai huyafurahisha maisha; Na fedha huleta jawabu la mambo yote.

Mhubiri 10:20 Ecclesiastes 10:20

Usimlaani mfalme, la, hata katika wazo lako; Wala usiwalaani wakwasi chumbani mwako; Kwa kuwa ndege wa anga ataichukua sauti, Na mwenye mabawa ataitoa habari.